banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:311
ມື້ວານນີ້:ມື້ວານນີ້:394
ອາທິດນີ້:ອາທິດນີ້:1987
ເດືອນນີ້:ເດືອນນີ້:4999
ທັງໝົດ:ທັງໝົດ:217585

Lao National Radio

radio

ແຜນທີແຂວງ ອັດຕະປື

administrative map

 

 

ອັດຕະປື ທຳລາຍຢາເສບຕິດໃນໂອກາດ ວັນສາກົນ ຕ້ານຢາເສບຕິດ ຄົບຮອບ 31 ປີ

         ຕອນເຊົ້າວັນທີ 26 ມີຖຸນາ 2018 ຢູ່ທີ່ຫໍປະຊຸມໃຫຍ່ ແຂວງ ອັດຕະປື ໄດ້ມີພິທີຈູດເຜົາ ແລະ ທຳລາຍຢາເສບຕິດ ເນື່ອງໃນໂອກາດສະຫລອງ ວັນສາກົນຕ້ານຢາເສບຕິດ ຄົບຮອບ 31 ປີຂຶ້ນ ໂດຍການເຂົ້າຮ່ວມຂອງທ່ານ ອຸ່ນຫລ້າ ໄຊຍະສິດ ຮອງເຈົ້າແຂວງ ປະທານກວດກາຂະບວນ ການຕ້ານຢາເສບຕິດຂັ້ນແຂວງ, ມີທ່ານ ພັນໂທ ສີເວີນ ແກ້ວສີວົງ ຮອງເລຂາ ຮອງກອງບັນຊານ ປກສ ແຂວງ, ມີບັນ ອົງການຈັດຕັ້ງຂັ້ນແຂວງ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

       ທ່ານ ອຸ່ນຫລ້າ ໄຊຍະສິດ ຮອງເຈົ້າແຂວງ ປະທານກວດກາຂະບວນ ການຕ້ານຢາເສບຕິດຂັ້ນແຂວງ ໄດ້ຍົກໃຫ້ເຫັນວ່າ: ຢາເສບຕິດ ແມ່ນບັນຫາລວມຂອງໂລກທີ່ມີຄວາມຫລໍ່ແຫລມ ສັບສົນ ແລະ ເປັນໄພຂົ່ມຂູ່ຕໍ່ຄວາມໝັ້ນຄົງຂອງຊາດ ແລະ ຄວາມສະຫງົບຂອງສັງຄົມ, ສ້າງຄວາມເສຍຫາຍຢ່າງໃຫຍ່ຫລວງຕໍ່ປະເທດຊາດນຳເອົາຄວາມຫາຍະນະມາສູ່ຊີວິດ ແລະ ຄອບຄົວບຸກຄົນທີ່ຕົກ ເປັນທາດຂອງຢາເສບຕິດ ຊຶ່ງໃນໄລຍະຜ່ານມາ ພັກ ແລະລັດຖະບານໄດ້ຖືເອົາການ ແກ້ໄຂຢາເສບຕິດເປັນໜ້າທີ່ສຳຄັນ ແລະ ຈຳເປັນ ໂດຍໄດ້ຊີ້ນຳ ນຳພາການຈັດຕັ້ງປະຕິບັດ ວຽກງານດັ່ງກ່າວຢ່າງຈົດຈໍ່ ແລະຈິງຈັງຕະຫລອດມາ. ໃນ 1 ປີ ຜ່ານມາມີຄະດີຢາເສບຕິດ ທີ່ສານຕັດສິນແລ້ວ 55 ເລື່ອງ, ຍຶດຢາບ້າໄດ້ 29.013 ເມັດ, ເຮໂຮອິນ 6 ແທ່ງ, ມີນ້ຳໜັກ 2 ກິໂລ, ຢາໄອ ມີນ້ຳໜັກ 4 ກິໂລ, ຍຶດວັດຖຸຂອງກາງມີເງິນກີບ 38 ລ້ານ ກວ່າກີບ, ສາຍຄໍ 2 ເສັ້ນ, ແຫວນຄໍາ 3 ວົງ, ບ້ວງຫູຄຳ 1 ຄູ່, ສາຍແຂນຄຳຝຣັ່ງ 1 ເສັ້ນ, ໂມງ 2 ໜ່ວຍ, ລົດໃຫຍ່ 1 ຄັນ, ລົດຈັກ 12 ຄັນ ແລະ ໂທລະສັບອີກ 48 ໜ່ວຍ.

      ສຳລັບການຈູດເຜົາທຳລາຍຢາ ເສບຕິດປະເພດຕ່າງໆ ທີ່ເຈົ້າໜ້າທີ່ຍຶດໄດ້ຈາກ ການລັກລອບຄ້າຂາຍ ແລະລຳລຽງຂົນສົ່ງ ທີ່ສານໄດ້ຕັດສິນ ແລະມີຄຳສັ່ງ ໃຫ້ທຳລາຍຖິ້ມໃນຄັ້ງນີ້ ປະກອບມີ ຢາບ້າ 29.013 ເມັດ, ເຮໂຮອິນ 6 ແທ່ງ, ມີນ້ຳໜັກ 2 ກິໂລ, ຢາໄອ ມີນ້ຳໜັກ 4 ກິໂລ.

          ໂດຍ: ມາລາທິບ

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008