banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:220
ມື້ວານນີ້:ມື້ວານນີ້:311
ອາທິດນີ້:ອາທິດນີ້:1975
ເດືອນນີ້:ເດືອນນີ້:6269
ທັງໝົດ:ທັງໝົດ:158820

Lao National Radio

radio

ແຜນທີແຂວງ ອັດຕະປື

administrative map

 

 

ອັດຕະປື ຖືສຳຄັນວຽກທ່ອງທ່ຽວດ້ວຍການຂະຫຍາຍມູນເຊື້ອປະຫວັດສາດ

         ປັດຈຸບັນ ແຂວງ ອັດຕະປື ໄດ້ຖືສຳຄັນ ວຽກງານທ່ອງທ່ຽວ ດ້ວຍການເສີມຂະຫຍາຍມູນເຊື້ອປະຫວັດສາດ ແລະ ຮ່ອງຮອຍວັດທະນະທຳລາວໃຫ້ຍືນຍົງຢູ່ຄຽງຄູ່ກັບຊາດລາວຄົນລາຍຕະຫຼອດໄປ ເຊິ່ງຄຽງຄູ່ກັບການກໍ່ສ້າງອະນຸສາວະລີ ພະເຈົ້າໄຊຍະເສດຖາທິລາດ ທີ່ກໍາລັງໄດ້ຮັບການເປີດວາງສີລາຈາລຶກ ຢູ່ ບ້ານ ຫາດຊາຍຂາວ ເມືອງ ໄຊເຊດຖາ ໄດ້ບໍ່ພໍເທົ່າໃດວັນ ມາໃນວັນທີ 22 ມິຖຸນາ 2018 ອຳນາດການປົກຄອງແຂວງ ກໍ່ໄດ້ຈັດພິທີເປີດວາງສີລາຈາລຶກ ໂຄງການກໍ່ສ້າງ ຫໍພະ ຢູ່ວັດທາດ ພະເຈົ້າໄຊຍະເຊດຖາທິລາດ ເມືອງ ໄຊເສດຖາ ຕື່ມອີກ.

       ໃນພິທີທີ່ເປັນສິລິ ມຸງຄຸນສຳຄັນນັ້ນ ໄດ້ຮັບກຽດ ອາລາດທະນານິມົນ ປະທານ ຄະນະ ອົງການ ພຸດທະສາສະໜາສຳພັນລາວ ຈາກແຂວງ ຈຳປາສັກ, ແຂວງ ເຊກອງ ແລະ ພາຍໃນແຂວງ ອັດຕະປື, ມີ ພະນະ ທ່ານ ຈູມມະລີ ໄຊຍະສອນ ອາດີດເລຂາທິການໃຫຍ່ ຄະນະບໍລິຫານງານສູນກາງພັກ ອາດີດປະທານປະເທດ ແຫ່ງ ສປປ ລາວ ພ້ອມດ້ວຍພັນລະຍາ, ມີ ທ່ານ ເລັດ ໄຊຍະພອນ ເລຂາພັກແຂວງ ເຈົ້າແຂວງ ອັດຕະປື, ມີ ທ່ານ ອຸນທວງ ຂາວພັນ ຮອງລັດຖະມົນຕີກະຊວງຖະແຫຼງຂ່າວ-ວັດທະນະທຳ ແລະ ທ່ອງທ່ຽວ, ມີທ່ານຮອງເຈົ້າແຂວງພາກໃຕ້, ບັນດາທ່ານການນຳພັກລັດຂັ້ນສູງຂອງແຂວງ, ການນຳຂອງເມືອງ, ຫົວພະແນກການກົມກອງອ້ອມຂ້າງແຂວງ, ນັກທຸລະກິດ, ພໍ່ຄ້າຊາວຂາຍ ແລະ ມວນຊົນຊາວແຂວງ ອັດຕະປື ເຂົ້າຮ່ວມຢ່າງຫຼວງຫຼາຍ.

       ຢູ່​ໃນ​ບັນຍາກາດ​ ແຫ່ງ​ການສະ​ເຫຼີມສະຫຼອງ ພິທີເປີດໂຄງການກໍ່ສ້າງດັ່ງກ່າວ ເບື້ອງຕົ້ນການ​ນຳ​​ພັກ-ລັດ ແລະ ຊາວພຸດທະສາສະນິກະຊົນ ລາວບັນດາ​ເຜົ່າ ກໍໄດ້​ເຂົ້າຮ່ວມ ທໍາບຸນໃສ່ບາດຖວາຍສັງຄະທານ​  ພ້ອມ​ຮັບ​ຟັງທຳ​ມະ​ເທ​ດສະໜາ ຕາມ​ຄຳ​ສອນ​ຂອງ​ ພະ​ສຳ​ມາສຳ​ພຸດທະ​ເຈົ້າ ​ແລະ ຕາມຮີດຄອງ ປະເພນີອັນດີງາມຂອງລາວເຮົາທີ່ມີມາແຕ່ບູຮານ​ນະ​ການ ຈາກນັ້ນ ກໍ່ໄດ້ເປີດພິທີຢ່າງເປັນທາງການ ທ່ານ ຕາວັນ ພົມມະຈັນ ປະທານບໍລິສັດ ປະທານ ບໍລິສັດ ເອັກສະຕາ ສຳຫຼວດອອກແບບທີ່ປືກສາ ແລະ ກໍ່ສ້າງຈໍາກັດຜູ້ດຽວ ໄດ້ລາຍງານວ່າ: ໂຄງການດັ່ງກ່າວ ເປັນໂຄງການແຫ່ງການກຸສົນ ໄດ້ຮັບການປະກອບສ່ວນຈາກສັງຄົມ ເປັນທຶນການກໍ່ສ້າງດ້ວຍຈິດໃຈເຫຼືອມໄສສັດທາ ຂອງຊາວພຸດສາສະນິກະຊົນລາວບັນດາເຜົ່າ ເຊິ່ງໜ້າວຽກ ແມ່ນມີການກໍ່ສ້າງອາຄານ ຫໍພະ  ເປັນໂຄງສ້າງເປຕົງເສີມເຫຼັກ, ໂມງດ້ວຍດິນຂໍ, ຕົບແຕ່ງດ້ວຍລວດລາຍລາວ, ມີອາຄານຮັບແຂກ, ອາຄານຮ້ານຄ້າບໍລິການເຄື່ອງທີ່ລະນຶກ, ມີສະຖານທີ່ຊຸມນຸມອອກກຳລັງກາຍ, ມີສວນດອກໄມ້-ຕົ້ນໄມ້ປະດັບໃຫ້ຮົ່ມ, ໃຫ້ດອກ ແລະ ຕົ້ນໄມ້ທຳມະຊາດ ພ້ອມນີຍັງມີກໍ່ສ້າງສະຖານທີ່ຕ່າງໆຕື່ມອີກ ລວມເວລາໃນການກໍ່ສ້າງແມ່ນ 18 ເດືອນ ປັດຈຸບັນຄວາມພ້ອມຂອງບໍລິສັດໂຄງການດັ່່ງກ່າວ ປະກອບມີວິສາວະກອນ ແລະນາຍຊ່າງທີ່ມີສືມີດີ, ມີຄວາມປານີດທາງດ້ານສິລະປະມາຈາກກົມວິຈິດສິນ ແລະ ກົມວິຈິດສິນ ນະຄອນຫຼວງພະບາງ ຫຼາຍກວ່າ 50 ທ່ານ ໂດຍແມ່ນ ບໍລິສັດ ເອັກສະຕາ ສຳຫຼວດອອກແບບທີ່ປືກສາ ແລະ ກໍ່ສ້າງຈໍາກັດຜູ້ດຽວ ທີ່ກໍ່ສ້າງຕາມການອອກແບບ ຮັບປະກັນຄຸນນະພາບທາງດ້ານເຕັກນິກທີ່ໄດ້ມາດຕາຖານສາກົນ, ມີຄວາມປານີດ, ມີສິນລະປະ ແລະ ຈັນຍາບັນວິຊາຊີບກໍ່ສ້າງໃຫ້ສຳເລັດຕາມສັນຍາ ແລະ ສາມາດມອບຮັບທັນຕາມກຳນົດເວລາ.

     ທ່ານ ອຸ່ນຫຼ້າ ໄຊຍະສິດ ຮອງເຈົ້າແຂວງ ອັດຕະປື ຢັ້ງຢືນວ່າ ໂຄງການກໍ່ສ້າງ ສະຖານທີ່ຮ່ອງຮອຍປະຫວັດສາດ ທີ່ວັດທາດ ເມືອງໄຊເສດຖາ ແຂວງ ອັດຕະປືແຫ່ງນີ້ ໃນອະນາຄົດຈະກາຍ ເປັນການອະນຸລັກສົ່ງເສີມ ແລະ ຍຸກສູງຄຸນຄ່າທາງດ້ານວັດທະນະທຳໃຫ້ມີຄວາມສີວິໄລ ແລະ ຍືນຍົງ ດ້ວຍການຖືເອົາພຸດສາສະໜາເປັນປັດໃຈ, ເປັນສູນກາງໃນການເຕົ້າໂຮມຈິໃຈຂອງຊາວພຸດທະສາສະນິກະຊົນ ທັງເປັນການເປີດໂອກາດໃຫ້ຊາວພຸທະສາສະນິກະຊົນ ກໍ່ຄືຊາວພຸທະບໍລິສັດທັງຫຼາຍພາຍໃນ ແລະ ແລະ ຕ່າງປະເທດ ຜູ້ມີໃຈບຸນໃຈກຸສົນສັດທາ ຈົ່ງໄດ້ພ້ອມກັນອຸປະຖຳທາງດ້ານວັດຖຸ ແລະ ຈິດໃຈ ປະກອບສ່ວນເຂົ້າໃນການບູລະນະປະຕິສັງຂອນ ວັດວາ ພຸດທະສາສະໜາ ໃຫ້ມີຄວາມຈະ ເລີນຮຸ່ງເຮືອງສີວິໄລ ແລະ ເພື່ອເປັນການ ພັດທະນາແຫຼ່ງທ່ອງທ່ຽວ ເຊື່ອມໂຍງທາງດ້ານເສດຖະກິດ-ສັງຄົມ ແລະ ທັງເປັນການຊຸກຍູ້ ສົ່ງເສີມວຽກງການທ່ອງທ່ຽວ ໃຫ້ສູງຂຶ້ນເທື່ອລະກ້າວ, ເປັນການເສີມຂະຫຍາຍມູນ ເຊື້ອປະຫວັດສາດ ແລະ ຮ່ອງຮອຍວັດທະນະທຳລາວ ລ້ານຊ້າງໃນສະໄໝ ພະເຈົ້າໄຊຍະເສດຖາທິລາດຂຶ້ນຄອງລາດໃຫ້ຍືນຍົງ ຢູ່ຄຽງຄູ່ກັບຊາດລາວ ຄົນລາຍຕະຫຼອດໄປ ກາຍເປັນບ່ອນ ເຕົ້າໂຮມວັດທະນະທຳ ທາງດ້ານຈິດໃຈ, ເຕົາໂຮມຄວາມສາມັກຄີ, ຄວາມເປັນປຶກແຜ່ນ ຂອງປະຊາຊົນ ບັນດາເຜົ່າ ແລະ ທັງເປັນການອະນຸລັກ ຮັກສາໃຫ້ກາຍເປັນແຫຼ່ງທ່ອງທ່ຽວທາງດ້ານວັດທະນະທຳໃນອະນະຄົດ.

     ຕອນທ້າຍຂອງພິທີ ທ່ານ ຈູມມາລີ ໄຊຍະສອນ ພ້ອມດ້ວຍຄະນະນຳແຂວງ ພັກ-ລັດ ແລະ ປະທານບໍລິສັດ ກໍ່ໄດ້ພ້ອມກັນວາງແຜນສີລາລຶກ, ຕອກເສົາເງິນ, ເສົາຄຳໃສ ່4 ແຈ, ປ່ອນບື-ແຜນເງິນ, ແຜນທອງ, ເຄື່ອງ ແລະ ໂຫຍດອກໄມ້ເປັນສີລິມຸງຄຸນ ໃນການກໍ່ສ້າງ ພ້ອມກັບລັ່ນຄ້ອງ 9 ບາດ ແລະ ປ່ອຍປຸມເປົ້າ ເພື່ອເປີດການກໍ່ສ້າງໂຄງການດັ່ງກ່າວຢ່າງເປັນທາງການ.

ໂດຍ: ມາລາທິບ

         

           

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008