banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:3
ມື້ວານນີ້:ມື້ວານນີ້:136
ອາທິດນີ້:ອາທິດນີ້:265
ເດືອນນີ້:ເດືອນນີ້:3520
ທັງໝົດ:ທັງໝົດ:149407

Lao National Radio

radio

ແຜນທີແຂວງ ອັດຕະປື

administrative map

 

 

ອາດີດປະທານປະເທດ ຮ່ວມປູກຕົ້ນໄມ້ ຢູ່ແຂວງ ອັດຕະປື

        ເພື່ອຮ່ວມສະ​ເຫລີ​ມສະຫລອງ ໃນວັນ​ເດັກ​ສາກົນ ວັນ​ທີ 1 ມິຖຸນາ 2018 ທັງ​ເປັນວັນ​ ປູກ​ຕົ້ນ​ໄມ້​ແຫ່ງ​ຊາດ ​ແລະ ວັນ​ຕ້ານການ​ໃຊ້​ແຮງ​ງານ​​ເດັກສາກົນ ດັ່ງນັ້ນ ທົ່ວປວງປະຊາຊົນ ກໍ່ຄື: ການນຳພັກ-ລັດ ໄດ້ພ້ອມກັນຈັດພິທີປູກຕົ້ນໄມ້ເເຫ່ງຊາດ ເພື່ອປົກປັກຮັກສາ ສິ່ງແວດລ້ອມຟື້ນຟູປ່າ ທຳມະຊາດທີ່ຊຸດໂຊມໃນ ປັດຈຸບັນໃຫ້ອຸດົມສົມບູນ ໃນອະນາຄົດ ທັງເປັນການຄືນ ຄວາມປົກຫຸ້ມປ່າໄມ້ໃຫ້ສືບຕໍ່ເພີ່ມຂຶ້ນ 70% ໃນປີ 2020.                 

      ສຳລັບຢູ່ແຂວງ ອັດຕະປື ແມ່ນໄດ້ຈັດຂຶ້ນ ໃນຕອນເຊົ້າວັນທີ 1 ມິຖຸນາ 2018 ຜ່ານມາ ທີ່ບ້ານວັງເເຄນ ເມືອງ ພູວົງ ແຂວງ ອັດຕະປື ໂດຍການເຂົ້າຮ່ວມຂອງ ທ່ານ ຈູມມະລີ ໄຊຍະສອນ ອາດີດປະທານພັກ-ປະທານປະເທດ ແຫ່ງ ສປປ ລາວ ພ້ອມພັນລະຍາ, ມີ ທ່ານ ເລັດ ໄຊຍະພອນ ເລຂາພັກແຂວງ ເຈົ້າແຂວງ ອັດຕະປື ພ້ອມພັນລະຍາ, ມີຄະນະນໍາຂອງແຂວງ, ຫົວໜ້າ-ຮອງຫົວໜ້າພະ ແນກການອ້ອມຂ້າງແຂວງ, ພະນັກງານ ລັດຖະກອນ ແລະ ພາກສ່ວນທີ່ກ່ຽວຂ້ອງ ເຂົ້າຮ່ວມຢ່າງຫຼວງຫຼາຍ.   

      ທ່ານ ບຸນນາວ ຈັນດອນ ເລຂາພັກເມືອງ ເຈົ້າເມືອງ ພູວົງ ໄດ້ຍົກໃຫ້ເຫັນວ່າ: ວັນປູກຕົ້ນໄມ້ແຫ່ງຊາດ ແມ່ນມີຈຸດປະສົງ ເພື່ອແນໃສ່ສ້າງຂະບວນການ ອັນສຳຄັນໃຫ້ແກ່ອະນະຄົດລູກຫຼານ ທັງແນໃສ່ຟື້ນຟູຄວາມ ອຸດົມສົມບູນໃຫ້ແກ່ທຳມະຊາດ ແລະ ສ້າງຈິດສຳນຶກທີ່ດີຕໍ່ຊີວະນາໆ ພັນໃນທຳມະຊາດ, ຄືນຄວາມຮັກຕໍ່ທຳມະຊາດ ແລະ ຖະນຸຖະໜອມທຳມະຊາດໃຫ້ຍືນຍົງຄົງຕົວຕະຫຼອດໄປ, ສະເພາະເບ້ຍໄມ້ທີ່ກະກຽມ ໃນວັນປູກຕົ້ນໄມ້ແຫ່ງຊາດມື້ນີ້ ມີເບ້ຍໄມ້ຂະໂຍງຈຳນວນ 300 ເບ້ຍ ແລະ ປູກໃນເນື້ອທີ່ 2 ເຮັກຕາ ສະຖານທີ່ປູກແມ່ນຢູ່ ບ້ານ ວັງແຄນ ເມືອງພູວົງ ເຊິ່ງຫ່າງຈາກເທດສະບານ ເມືອງປະມານ 3 ກິໂລເເມັດ.                                                           ທ່ານ ບຸນນາວ ຈັນດອນ ໄດ້ເວົ້າຕື່ມອີກວ່າ: ໃນປີຜ່ານມາກໍ່ຄືປັດຈຸບັນ ຄະນະນຳຂອງແຂວງ, ເມືອງ ແມ່ນໄດ້ເອົາໃຈໃສ່ ຕໍ່ວຽກງານຄຸ້ມຄອງ, ປົກປັກຮັກສາ ແລະ ພັດທະນາປ່າໄມ້ ເປັນວຽກຍຸດທະສາດທີ່ສໍາຄັນ ໃນການພັດທະນາ ເສດຖະກິດ-ສັງຄົມຂອງແຂວງ ສະເພາໃນປີ 2018 ມີຕົວເລກແຜນ ການປູກໄມ້ ແລະ ຟື້ນຟູປ່າ ຢູ່ໃນ ແລະ ນອກ 3 ປະເພດປ່າ ມີຈຳນວນທັງໝົດ 39.439 ເຮັກຕາ, ໃນນັ້ນ ປູກໄມ້ຈໍານວນ 600 ເຮັກຕາ ແລະ ຟື້ນພູປ່າໃນທໍາມະຊາດ ຈໍານວນ 38.239 ເຮັກຕາ ດັ່ງນັ້ນ ໃນວັນປູກຕົ້ນໄມ້ແຫ່ງຊາດ ຈຶ່ງເປັນວັນສຳຄັນ ເພື່ອສ້າງສະຕິຮັກ, ຫວງແຫນ ໃນການປົກປັກຮັກສາ, ພັດທະນາປ່າໄມ້ ແລະ ສິ່ງແວດລ້ອມໃນທຳມະຊາດ ໃຫ້ແກ່ປະຊາຊົນບັນດາເຜົ່າ, ອະນຸຊົນຮຸ້ນຫຼັງ ມີຄວາມຮູ້ເຂົ້າໃຈ ຕໍ່ຄວາມໝາຍຄວາມສຳຄັນຂອງປ່າໄມ້, ສ້າງສະຕິເປັນເຈົ້າໃນການອະນຸລັກ ປົກປັກຮັກສາ ແນໃສ່ເຮັດໃຫ້ປ່າໄມ້ ອຸດົມສົມບູນ ແລະ ບໍ່ບົກແຫ້ງເປັນຈັກ.

ໂດຍ: ມາລາທິບ

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008