banner 11.2017

ໜອງຟ້າມະຫັດສະຈັນ

nongfa

ຄົ້ນຫາພາທ່ຽວ ອັດຕະປື

tour 2018

ສະຖິຕິ ຜູ້ເຂົ້າຊົມເວັບໄຊ

ມື້ນີ້:ມື້ນີ້:157
ມື້ວານນີ້:ມື້ວານນີ້:201
ອາທິດນີ້:ອາທິດນີ້:1797
ເດືອນນີ້:ເດືອນນີ້:4872
ທັງໝົດ:ທັງໝົດ:143342

Lao National Radio

radio

ແຜນທີແຂວງ ອັດຕະປື

administrative map

 

 

ອັດຕະປື ເຊື່ອມຊຶມມະຕິກອງປະຊຸມ ຄົບຄະນະບໍລິຫານງານພັກແຂວງ ຄັ້ງທີ 6 ສະໄໝທີ X

        ເພື່ອ​ຍົກ​ສູງ​ ຄວາມ​ສາມາດ ​ນຳພາ​ຂອງ​ຄະນະ​ພັກ ແລະ ເພີ່ມ​ທະວີ​ຄວາມ​ ສັກສິດ​ຂອງ​ການ​ ບໍລິຫານ​ລັດ ກໍ​ຄື​ການຈັດຕັ້ງ​ປະຕິບັດ ​ທຸກຂົງເຂດ ວຽກ​ງານ​ພາຍ​ໃນ ແຂວງ ອັດຕະປື ໃນຕໍ່ໜ້າ​ໃຫ້​ ມີ​ຄວາມ​ສອດຄ່ອງ​ຖືກຕ້ອງ ແລະ ຊັດ​ເຈນ ຕອບ​ສະໜອງ​ໄດ້​ຕາມ​ຄວາມ​ຮຽກຮ້ອງ​ຕ້ອງການ​ຂອງ​ພັກ-ລັດຖະບານ​ວາງ​ອອກນັ້ນ ມາໃນ ວັນທີ 15 ມີນາ  2018 ແຂວງ ອັດຕະປື ​ໄດ້ຈັດກອງ​ປະຊຸມ​ເຊື່ອມ​ຊຶມ​ມະຕິ​ກອງ​ປະຊຸມ ຄົບ​ຄະນະ​ບໍລິຫານ​ງານ​ພັກແຂວງ ຄັ້ງ​ທີ 6 ສະ​ໄໝ X ​ຂຶ້ນ​ ຢູ່ຫໍປະຊຸມໃຫຍ່ຂອງແຂວງ ໂດຍ​ການ​ເປັນ​ປະທານຂອງ ສະຫາຍ ພອນສະໄໝ ມຽງລາວັນ ຮອງເລຂາພັກແຂວງ ຮອງເຈົ້າແຂວງ ພ້ອມ​ດ້ວຍ​ພະນັກງານ​ສະມາຊິກພັກພາຍ​ໃນແຂວງ​​ເຂົ້າ​ຮ່ວມ.

         ໃນກອງ​ປະຊຸມ ສະຫາຍ ສົມໄຊ ແກ້ວໂພສິງ ກຳມະການພັກແຂວງ ຫົວໜ້າຄະນະໂຄສະນາອົບຮົມແຂວງ ໄດ້ຍົກໃຫ້ເຫັນວ່າ ກອງປະຊຸມເຊື່ອມຊຶມຄັ້ງນີ້ ແມ່ນ​ແນ​ໃສ່​ເຮັດ​ ໃຫ້​ສະມາຊິກ​ພັກ, ພະນັກງານ-​ລັດຖະກອນໃນທົ່ວແຂວງມີ​ຄວາມ​ຮັບ​ຮູ້, ກຳ​ແໜ້ນ, ​ເຊື່ອມ​ຊຶມ ​ແລະ ​ເປັນ​ເອກະ​ພາບ​ສູງ  ຕໍ່​ບັນດາ​ເນື້ອ​ໃນ​ສຳຄັນ ຂອງມະຕິ​ກອງ​ປະຊຸມ ຄົບ​ຄະນະ​ ບໍລິຫານ​ງານ​ພັກແຂວງ ອັດຕະປື ຄັ້ງ​ທີ 6 ສະ​ໄໝ X ​ເພື່ອ​ຫັນ​ເອົາ​ມະຕິ​ ດັ່ງກ່າວ​ເປັນ​ທິດ​ທາງ ​ແລະ ​ແຜນ​ຈັດ​ຕັ້ງ​ປະຕິບັດ​ວຽກງານ ອັນ​ລະອຽດ ຂອງ​ອົງຄະ​ນະ​ພັກ​ແຂວງ ອັດຕະປື ໃນສະເພາະໜ້າ ໃຫ້​ໄດ້​ຕາມ​ຄາດໝາຍ ແລະ ມີ​ດ້ານ​ລື່ນ​ຄາດໝາຍທີ່ໄດ້ກຳນົດໄວ້.

        ໃນຄະນະດຽວກັນ ສະຫາຍ ພອນສະໄໝ ມຽງລາວັນ ຮອງເລຂາພັກແຂວງ ຮອງເຈົ້າແຂວງ ປະທານກອງປະຊຸມ ຍັງໄດ້ເນັ້ນໃຫ້ເຫັນວ່າ ນີ້ແມ່ນເປັນການ​​ຍົກ​ສູງ ພານັກງານນຳພາຄຸ້ມຄອງ ໃຫ້ມີ​ຄວາມ​ເປັນ​ເຈົ້າ​ການ ໃນ​ກາ​ນນຳພາຈັດ​ຕັ້ງ​ປະຕິບັດ​ວຽກງານໃນ ແຕ່ລະທຸກຂົງເຂດວຽກງານ ໃນທົ່ວແຂວງໃຫ້​ມີ​ຜົນ ສຳ​ເລັດ​ຢ່າງ​ຈົບ​ງາມ ເພາະວ່າ ​ການຈັດ​ຕັ້ງ​ຄົ້ນ​ຄວ້າ​ເຊື່ອມ​ຊຶມ​ມະຕິ 6 ສະ​ໄໝ X  ​ແມ່ນ​ຕິດ​ພັນ​ກັບການ​ສຶບຕໍ່​ຈັດ​ຕັ້ງ​ປະຕິບັດ​ ມະຕິ​ກອງ​ປະຊຸມ​ຄົບ​ຄະນະ​ຄັ້ງ​ ທີ 5 ສະ​ໄໝສະ​ມັນ​ທີ X ​ເພື່ອ​ຊຸກຍູ້​ຂະ​ບວນການ​ຮອບດ້ານ ໃນອົງຄະນະພັກແຂວງ​ ໃຫ້​ເປັນ​ຂະ​ບວນການ​ຟົດ​ຟື້ນ, ແຂງ​ແຮງ, ຕໍ່​ເນື່ອງ ​ແລະ ​ເຂົ້າ​ສູ່​ລວງ​ເລິກ; ​ສືບ​ຕໍ່​ຜັນ​ຂະ​ຫຍາ​ຍ ໝາກຜົນ​ເບື້ອງ​ຕົ້ນ ​ຂອງ​ການ​ດຳ​ ເນີນ​ຊີວິດ​ການ​ເມືອງ ປັບປຸງ​ປົວ​ແປງ​ທົ່ວ​ພັກ ຕິດ​ພັນ​ກັບ​ການ​ປັບປຸງ ບູລະນະ​ກົງຈັກ​ການຈັດ​ຕັ້ງ, ປັບປຸງ​ລະບອບ​ການ​ຊີ້​ນຳ-​ນຳພາ, ​ແບບ​ແຜນ​ວິທີ​ເຮັດ​ວຽກ ​ແລະ ​ແບບ​ແຜນ​ດຳລົງ​ຊີວິດ ແກ້​ໄຂ​ປະກົດ​ການ​ຫຍໍ້​ທໍ້​ໃນ​ການຈັດ​ຕັ້ງ ກໍ​ຄື​ ໃນ​ຖັນ​ແຖວ​ສະມາຊິກ​ພັກ-​ພະນັກງານໃຫ້​ແຂງແຮງ, ​ປອດໃສ ​ແລະ ໜັກ​ແໜ້ນ. ນອກ​ນັ້ນ, ຍັງເປັນ​ການ​ສຶກສາ​ອົບຮົມ, ຍົກ​ສູງ​ຫລັກ​ໝັ້ນການ​ເມືອງ ຂອງ​ພະນັກງານ-​ສະມາຊິກ​ພັກ ​ໃຫ້​ມີ​ຄວາມ​ເດັດດ່ຽວໜຽວ​ແໜ້ນ ​ທາງ​ດ້ານ​ແນວ​ຄິດ​ ຄຸນ​ສົມບັດ​ສິນ​ທຳ​ປະຕິວັດ ​ແລະ ​ແບບ​ແຜນ​ດຳລົງ​ຊີວິດ, ຮັບປະກັນ​ການ​ປົກ​ປັກ​ຮັກສາ ແລະ ເພີ່ມທະວີຄວາມ​ສາມັກຄີ ​ເປັນ​ເອກະ​ພາບ​ພາຍ​​ໃນ ​ອົງຄະ​ນະ​ພັກແຂວງ ສ້າງ​ບາດກ້າວ​ບຸກ​ທະລຸ​ໃຫ້​ແຂງແຮງ​ຕື່ມ​ອີກ ເພື່ອ​ຈັດ​ຕັ້ງ​ປະຕິບັດ​ມະຕິ​ກອງ​ປະຊຸມ​ໃຫຍ່ ຄັ້ງ​ທີ X ຂອງ​ພັກໃຫ້ໜັກ​ແໜ້ນ ຍິ່ງໆຂຶ້ນ.

ໂດຍ: ຈັນສະໄໝ

ແຈ້ງການຫ້ອງວ່າການ

notic2017

ສະພາບອາກາດ

weather 1

ຄຳຂັວນປະຈຳແຂວງອັດຕະປື

salogan2017

ຢາບຳລຸງຕັບຈາກຢີ່ປຸ່ນ

kanki

ວາລະສານອັດຕະປື

pic008